Salmo 12:1-8
-
Si Jehova et manpaparaan ya onkiwas
-
Saray salita na Dios et puro (6)
-
Parad direktor; intono ed Sheminith.* Kansion nen David.
12 Iliktar mo ak pa, O Jehova, ta anggapo lay akeran matoor;Naupot la ray napanmatalkan a totoo.
2 Mantitilaan ira;Uusaren day bibil da ed panaglarog* tan mapalikdoy puso ra* a mansasalita.+
3 Gapgapen nen Jehova so amin a bibil a malarogTan putoten toy dilan malaslastog,+
4 Saramay mangibabaga: “Manalo kami diad panamegley na dila mi.
Uusaren mi bibil mi anggad labay mi;Anggapoy nayarin mandiktad sikami.”+
5 “Lapud nalalames iray pobri,Lapud paneermen na saray mairap-bilay,+Manparaan ak ya onkiwas,” kuan nen Jehova.
“Iliktar ko ra ed saramay manmemelmelag ed sikara.”
6 Saray salita nen Jehova et puro;+Singa ra pilak a dinalisay ed hurnoan,* a pinapuron aminpito.
7 Sikay manbantay ed sikara, O Jehova;+Protektaan moy kada sakey ed sikara manlapud sayan henerasyon ya anggad angga.
8 Saray mauges et bulos a manliliberliberLapud ikakayat na saray anak na totoo so kaugsan.+
Paimanod leksab
^ Literal, “Mansasalita ra a walaay malamuyot a bibil.”
^ Literal, “walaan iray sakey a puso tan sakey a puso.”
^ Odino posiblin, “hurnoan ya inkotkot ed dalin.”
