Salmo 141:1-10
Kansion nen David.
141 O Jehova, ontatawag ak ed sika.+
Tulongan mo ak komon a tampol.+
Imanoen mo ak komon sano ontatawag ak ed sika.+
2 Komon ta say pikakasik et magmaliw a singa insenso+ ya imparaan ed arapan mo+Tan saray akatagey a limak et singa apay a kakanen diad labi.+
3 O Jehova, mangipasen ka komon na guardia ed sangik,Mangiyan ka komon na bantay ed bibil ko.+
4 Agmo komon aabuloyan so pusok a nalagyat ed antokaman a makapuy,+A mibiang ed mabanday a kagagawa na saray mauges a totoo;Komon ta agkon balot pampiestaan iray espisyal a kakanen da.
5 No leweten ak na matunong, panangipatnag itan na matoor a panangaro;+No banoen to ak, singa itan larak ed ulok,+Ya agbalot ipulisay na ulok.+
Itultuloy koy manpikasi anggan sano maniirap ira.
6 Anggano ipelag ed kelas iray ukom da,Imanoen na totoo iray salitak, ta makapaliket iraya.
7 Singa saray kiew a nitaytayak ed dalin sano walay manbebelang,Saray pukel mi et nitaytayak diad lukas a Lubok.*
8 Balet manmamatalek ak ed sika, O Soberanon Katawan a Jehova.+
Sika so pansasalimbengan ko.
Agmo papaandien so bilay ko.*
9 Salimbengan mo ak komon ed patit ya imparaan da parad siak,Tan diad saray kalot na saramay manggagaway mauges.
10 Saray mauges et napelag iran amin ed saray mismon iket ya impatit da+Balet ondalan ak a maligen.
Paimanod leksab
^ Odino “ikakalbo so kamarerwak.”
