Salmo 19:1-14
Parad direktor. Kansion nen David.
19 Iyaabawag na katawenan so gloria na Dios;+Ipapaamta na saray bengatlan walad tawen* so kimey na lima to.+
2 Kada agew et ompapaway iray balikas da,Kada labi et ipaparungtal day kakabatan.
3 Anggapoy balikas, tan anggapoy salita;Agnarerengel so boses da.
4 Ingen ta akasabi ed interon dalin so tanol* da,Tan anggad saray sampot na dalin so mensahe ra.+
Diad tawen et impaalageyan to na tolda so agew;
5 Singa itan sakey a nobyo ya ompapaway ed kuarton parad balon kasal;Malikeliket a singa sakey a mabiskeg a lakin milulumbad batik.
6 Say panlalapuan to et diad sakey a sampot na tawen,Tan ontetelek anggad sakey nin sampot na tawen;+Tan anggapoy makaamot ed petang to.
7 Say ganggan nen Jehova et ayadyari,+ pasimbaloen toy biskeg.*+
Say panonot nen Jehova et napanmatalkan,+ gawaen ton marunong so andiay kakabatan.+
8 Saray totontonen nen Jehova et maptek, paliketen day puso;+Say ganggan nen Jehova et malinis, paliwawaen toy mata.+
9 Say takot ed si Jehova+ et maabig, mansiansia ya anggad angga.
Saray panangukom nen Jehova et matua, matunong ya amin.+
10 Mas pampilalekan iratan nen say balitok,Nen say sankaabigan a klase na* balitok,+Tan mas masamit nen say dilo,+ say sankapuroan a dilo.
11 Diad saratan et napapasakbayan so lingkor mo;+No unoren iratan et walay baleg a tumang.+
12 Siopay makanengneng ed sarili ton lingo?+
Perdonam ak pad saray kasalanan ya agko amtan ginawak.
13 Tan amper mo pay lingkor mo ed saray gawan mapalakbat;+Agmo aabuloyan ya uleyan da ak.+
Diad ontan et anggapoy pankulangan ko,+Tan malinis ak ed saray graben kasalanan.*
14 Komon ta saray ibabalikas na sangik tan dadalepdepen na pusokEt makapaliket ed sika,+ O Jehova, say Batok+ tan say Mananondon ko.+
Paimanod leksab
^ Odino “na liwang.”
^ Odino posiblin, “lubir a panagsukat.”
^ Odino “pasimbaloen (ipawil) toy kamarerwa.”
^ Odino “puron.”
^ Odino “dakel a kasalanan.”
