Salmo 32:1-11
Salmo nen David. Maskil.*
32 Maliket so too ya aperdona la ed insumlang to, tan asakbongan* lay kasalanan to.+
2 Maliket so too ya ipapasen nen Jehova ya ag-akagaway kasalanan,+A say puso to et andiay panamalikdo.
3 Sanen nampareen ak, saray pukel ko et kinmapuy lapud sanagew ya impanakis ko.+
4 Ta agew-labi a say limam* et ambelbelat ed siak.+Say kasil ko et singa inmekat a danum ed petang na tiagew. (Selah)
5 Diad kaunoran et impatuak ed sika so kasalanan ko;+Agko sinakbongan so lingok.
Inkuan ko: “Ipatuak ed si Jehova iray impakasumlang ko.”+
Tan pinerdonam iray kasalanan ko.+ (Selah)
6 Kanian balang sakey a matoor et manpikasi ed sika+Legan a naromog ka ni.+
Diad ontan et sikatoy agnaabotan na anggan say delap.
7 Sika so panag-amotan ko;Salimbengan mo ak pian agak nagonigon.+
Paliberan mo ak na panliliket lapud panangiliktar mo.+ (Selah)
8 Inkuan mo: “Ikdan ta kay pakatalos tan ibangat kod sika so dalan a nepeg mon laen.+
Bilinen ta ka legan ya akanengneng ak ed sika.+
9 Agka magmamaliw a singa kabayo odino mula* ya andiay pakatalos,+A lapud mabanos et kaukolan itan a banlongan ed panamegley na renda odino prenoAntis mon napaasingger.”
10 Dakdakel so pakakasakitan na mauges;Balet samay manmamatalek ed si Jehova et apaliberan na matoor a panangaro To.+
11 Manliket kayo lapud si Jehova tan manggayaga kayo, sikayo ran matunong;Eyag kayod liket, amin yon maptek-impanpuso.
Paimanod leksab
^ Odino “aperdona.”
^ Odino “agmo panangabobon.”
^ Say Hebreon salita et manutukoy ed nanlaok a poli na asno tan kabayo.
