Salmo 33:1-22
33 Sikayo ran matunong, eyag kayod liket lapud si Jehova.+Manepeg labat a sikatoy idayew na saray maptek.
2 Misalamat kayo ed si Jehova diad pantogtog yoy arpa;Kansionan yo na panangidayew* a binansagay instrumenton samploray deles.
3 Kansionan yo na sakey a balon kansion;+Pasya yoy mantogtog tan eyag kayod liket.
4 Ta say salita nen Jehova et maptek,+Tan amin a gagawaen to et napanmatalkan.
5 Aaroen toy inkatunong tan hustisya.+
Say dalin et napno na matoor a panangaro nen Jehova.+
6 Diad panamegley na salita nen Jehova et apalsay katawenan,+Tan diad panamegley na linaway sangi to* et apalsay amin a bengatlan wadtan.*
7 Titiponen to ray danum na dayat a singa sakey a dam;+Iiyan to ray madaluyon a danum ed saray pasen a panagsimpenan.
8 Ontakot komon ed si Jehova so interon dalin.+
Sikatoy igalang komon na saray manaayam ed dalin.
9 Ta sikatoy nansalita, et agawa itan;+Sikatoy angiganggan, et niletneg itan a malet.+
10 Inamper nen Jehova iray pakana* na saray nasyon;+Agto inabuloyan a nagawa iray plano* na totoo.+
11 Balet saray desisyon* nen Jehova et mansiansia ya anggad angga;+Saray kanonotan na puso to et agmanguman ed amin a henerasyon.
12 Maliket so nasyon a say Dios to et si Jehova,+Saray totoon pinili to bilang kayarian to.+
13 Si Jehova et onuusdong manlapud tawen;Nenengnengen toy amin ya ananak na totoo.+
14 Manlapud panaayaman to,Sankanengneng toy amin a manaayam ed dalin.
15 Sikato so nanggawa ed kapusoan na amin;Uusisaen to so amin a kimey da.+
16 Anggapo so ari a nilaban na baleg ya armada;+Say mabiskeg a too et agnilaban na baleg a pakayari to.+
17 Say kabayo et agnailaloan ed kilalaban;*+Anggano mabisbiskeg, agmangipaseguroy kililiktar.
18 Say mata nen Jehova et akabantay ed saramay ontatakot ed sikato,+Saramay manaalagar ed matoor a panangaro to,
19 Pian iliktar to ra* ed pateyTan pansiansiaen to ran mabilay legay eras.+
20 Mantatalaran itayo* ed si Jehova.
Sikato so mananulong tan say samper tayo.+
21 Malikeliket so puso tayo lapud sikato,Ta manmamatalek tayo ed masanton ngaran to.+
22 O Jehova, mansiansia komon ed sikami so matoor a panangarom,+Legan kamin manaalagar ed sika.+
Paimanod leksab
^ Odino “Mantogtog tan mangansion kayo.”
^ Odino “espiritu to.”
^ Literal, “amin ya armada ra.”
^ Odino “simbawa.”
^ Odino “kanonotan.”
^ Odino “simbawa.”
^ Odino “ed pananalo.”
^ Odino “so kamarerwa ra.”
^ Odino “so kamarerwa tayo.”
