Salmo 34:1-22
Salmo nen David, sanen nantapis-tapisan+ ed arap nen Abimelec, ya amataynan ed sikato, kanian inmalis.
א [Aleph]
34 Idayew koy Jehova diad amin a panaon;Agak ontundan mangidayew ed sikato.
ב [Beth]
2 Ipasirayew ko* so nipaakar ed si Jehova;+Saray mauyamo et ondengel tan manliket.
ג [Gimel]
3 Itandoro tayo si Jehova;+Igloria tayon amin so ngaran to.
ד [Daleth]
4 Tinmupleg ak ed si Jehova, tan inebatan to ak.+
Imbulos to ak ed amin a pakatatakotan ko.+
ה [He]
5 Saramay maniilalo ed sikato et linmigsay lupa ra;Ag-iran balot niiyan ed kababaingan.
ז [Zayin]
6 Sayan pakaskasi et tinmawag, tan nadngel nen Jehova.
Inliktar To ed amin a pakakagonigonan to.+
ח [Heth]
7 Say anghel nen Jehova et babantayan to iramay* ontatakot ed Sikato,+Tan isasalba to ra.+
ט [Teth]
8 Tawayan yo tan nengneng yo a si Jehova et maong;+Maliket so toon pasasalimbengan ed sikato.
י [Yod]
9 Takotan yo si Jehova, amin yo a masanton totoo to,Ta ag-onkukulang na antokaman iramay ontatakot ed sikato.+
כ [Kaph]
10 Anggan saray mabiskeg tan malangwer a leon et nanaerasan;Balet saramay manaanap ed si Jehova et ag-onkulang na antokaman a maabig.+
ל [Lamed]
11 Gali dia, ananak ko, dengel kayod siak;Ibangat ta kayon ontakot ed si Jehova.+
מ [Mem]
12 Siopa ed sikayo so naliliketan ed bilayTan labalabay ton nanengneng so dakel a makapaliket ya agew?+
נ [Nun]
13 Pokpokan mo sirin so dilam ed pansalita na mauges,+Tan say bibil mo ed pansalita na panamalikdo.+
ס [Samekh]
14 Ipulisay mo so kaugsan tan gawam so kamaongan;+Anap moy kareenan tan panggunaetan mon mansiansia itan.+
ע [Ayin]
15 Saray mata nen Jehova et onnenengneng ed saray matunong,+Tan saray layag to et ondedengel ed ikekerew day tulong.+
פ [Pe]
16 Balet si Jehova et onsusumpad saramay manggagawa na mauges,Pian naandi ed dalin so amin a pakanodnonotan ed sikara.+
צ [Tsade]
17 Saray matunong et tinmawag, tan nadngel nen Jehova,+Inliktar to ra ed amin a pakakagonigonan da.+
ק [Qoph]
18 Si Jehova et asingger ed samay asugatay puso to;+Ililiktar to iramay nagogonigon so espiritu ra.*+
ר [Resh]
19 Dakel so pakakairapan na matunong,+Balet sikatoy isasalba nen Jehova ed saratan ya amin.+
ש [Shin]
20 Proprotektaan Toy amin a pukel to;Anggapoy anggan sakey ed saratan so aputer.+
ת [Taw]
21 Say mauges et ompatey ed desyang;Saramay mamubusol ed matunong et nadusa.
22 Dodondonen nen Jehova so bilay* na saray lingkor to;Anggapoy nadusa ed saramay pasasalimbengan ed sikato.+
Paimanod leksab
^ Odino “na kamarerwak.”
^ Odino “et mankakampo ed kaliberliber na saramay.”
^ Odino “nadidismaya.”
^ Odino “kamarerwa.”
