Salmo 42:1-11
Parad direktor. Maskil* na saray anak a lalaki nen Kora.+
42 No panoy pampipirawat na ulsa ed manag-agus a danum,Ontan met so pampipirawat ko* ed sika, O Dios.
2 Singa ak napgaan* ed Dios, say mabilay a Dios.+
Kapigan ak kasi nayarin onla tan onarap ed Dios?+
3 Saray luak so pinagka-kakanen ko ed agew tan labi;
Sanagew ak a kakantiawan na totoo, a kuan da: “Kawalaan na Dios mo?”+
4 Sankanonot ko irayan bengatla, tan ibalikas kon amin so naliliknak,*Ta dati et manaakar ak a kaibay dakel a totoo;Masimsimoon ak a manaakar nensaman diad unaan da a paonlad abung na Dios,A sankarengel so tanol na panliliket tan pisasalamatNa saray totoon manseselebray piesta.+
5 Akin et maer-ermen ak?*+
Akin et onia lay gonigon a naliliknak ed loob ko?Manalagar ak ed Dios,+Ta sikatoy idayew ko ni bilang Makapadinayew a Manangiliktar ko.+
6 O Dios ko, maer-ermen ak.*+
Kanian sankanonot ta ka,+Diad dalin na Jordan tan diad saray toktok na Hermon,Diad Palandey Mizar.*
7 Saray araralem a danum et ontatawag ed araralem a danumDiad tanol na manag-agus a danum mo.
Amin ya angkakabaleg a daluyon mo et tinabonan da ak.+
8 No agew et ipatnag nen Jehova ed siak so matoor a panangaro to,Tan no labi et mangansion ak na nipaakar ed sikato—sakey a pikakasi ed Dios na bilay ko.+
9 Ibagak ed Dios, say baleg a batok:
“Akin et nilingwanan mo ak?+
Akin et kaukolan koy manakar-akar a maer-ermen lapud panagpairap na kabusol ko?”+
10 Kakantiawan ak na kakabusol ko a walay katekep ton makaderal ya isusumpa;*Sanagew da ak a kakantiawan: “Kawalaan na Dios mo?”+
11 Akin et maer-ermen ak?*
Akin et onia lay gonigon a naliliknak ed loob ko?
Manalagar ak ed Dios,+Ta sikatoy idayew ko ni bilang Makapadinayew a Manangiliktar ko tan Dios ko.+
Paimanod leksab
^ Odino “pampipirawat na kamarerwak.”
^ Odino “Napgaan so kamarerwak.”
^ Odino “ikalbok so kamarerwak.”
^ Odino “so kamarerwak.”
^ Odino “so kamarerwak.”
^ Odino “melag a palandey.”
^ Odino posiblin, “a singa da puputeren iray pukel ko.”
^ Odino “so kamarerwak.”
