Salmo 44:1-26
Parad direktor. Salmo na saray anak a lalaki nen Kora.+ Maskil.*
44 O Dios, nadngel na saray mismon layag mi,Inistorya na saray inmuunan atateng mi+Iray ginawgawam nen panaon da,Nensaman a panaon.
2 Diad panamegley na limam et pinataynan mo ray nasyon ed dalin da+Tan impanayam mo ditan iray inmuunan atateng mi.+
Tinatalom iray nasyon tan pinataynan mo ra.+
3 Asakop day dalin aliwan diad panamegley na espada ra,+Tan aliwan say dilin taklay da so angiter ed sikara na pananalo,+
Noagta say kawanan a limam tan say taklay mo+ tan say liwawa na lupam,Ta aliketan kad sikara.+
4 Sika so Arik, O Dios;+Iganggan* mo pay sigpot a pananalo* na Jacob.
5 Diad pakayarim et paatrasen mi ray kalaban mi;+Diad ngaran mo et gatin-gatinan mi iramay onsusumpad sikami.+
6 Ta agak manmamatalek ed panak,Tan agak niliktar na espadak.+
7 Sika so angiliktar ed sikami ed saray kalaban mi,+Inyan mod kababaingan iramay mamubusol ed sikami.
8 Say Dios so idayew mi diad amin a panaon,Tan misalamat kami ed ngaran mo ya anggad angga. (Selah)
9 Balet natan, impulisay tan inyan mo kamid kababaingan,Tan agka la miuulop ed saray armada mi.
10 Papaatrasen mo kami manlapud saray kalaban mi;+Saramay mamubusol ed sikami et aalaen da so antokaman a labay da.
11 Iyaawat mo kami pian buagen dan singa karnero;Intayak mo kamid saray nasyon.+
12 Mamurmuray pangilalakom ed totoom;+Anggapoy natutubom ed pangilalakom.*
13 Gagawaen mo kamin sakey a kabalawan ed saray kakaabay mi,A luludlureyen tan eelek-elekan na amin ya akapaliber ed sikami.
14 Gagawaen mo kamin pantotongtongan* na saray nasyon,+A mameyengpeyeng iray totoo ed sikami.
15 Lanang kon nalilikna a napapabanday ak,Tan anggapoy lupak ya iyarap ko,
16 Nisengeg ed saray panagkantiaw tan panag-insulto ra,Lapud samay ombabawin kabusol mi.
17 Agawa iyan amin ed sikami, balet agmi ka nilingwanan,Tan agmi sinumlang so sipanan mo.+
18 Say puso mi et ag-inmarawi ed sika;Saray bakat mi et ag-onsisian ed dalan mo.
19 Balet sikami impatalom diad ayaman na saray ason jakal;Sinakbongan mo kami na makapal a bilunget.
20 No bilang ta nilingwanan mi so ngaran na Dios miOdino no inyunat mi ray lima mi pian manpikasi ed sananey a dios,
21 Agta naamtaan iya na Dios?Amta to ray akaamot ed puso.+
22 Nisengeg ed sika et ag-ontunday pamapatey dad sikami;Impasen da kami a singa karneron papakgeran.+
23 Bangon ka. Akin et nanaugip ka ni, O Jehova?+
Liing ka. Agmo kami ipupulisay ya anggad angga.+
24 Akin et iyaamot moy lupam?
Akin et ibabaliwalam so paniirap tan pakakalames mi?
25 Ta niyabeba kami* ed dabok;Nipatikleb kami ed dalin.+
26 Alagey ka pian tulongan kami!+
Iliktar* mo kami lapud matoor a panangarom.+
Paimanod leksab
^ Odino “Iter.”
^ Odino “baleg a kililiktar.”
^ Odino “diad presyo ra.”
^ Literal, “sakey a proverbio.”
^ Odino “so kamarerwa mi.”
^ Literal, “Dondon.”
