Salmo 54:1-7
-
Pikakasi parad tulong sano walad limog na saray kalaban
-
“Say Dios so mananulong ko” (4)
-
Parad direktor; bansagan na nandeles iran instrumento. Maskil.* Salmo nen David, sanen linmad si Saul iray Zifita tan inkuan dad sikato: “Diad sikami so panaamotan nen David.”+
54 O Dios, iliktar mo ak diad panamegley na ngaran mo,+Tan idepensam ak*+ diad panamegley na pakayarim.
2 O Dios, dengel mo pay pikakasik;+Imanom pa ray ibabalikas na sangik.
3 Ta saray totoon agko kabat et onsusumpad siak,Tan saray maruksan totoo et labay da ak a pateyen.*+
Agda ikabkabilangan so Dios.*+ (Selah)
4 Say Dios so mananulong ko;+Si Jehova et walad saramay ontutulong ed siak.*
5 Ibales tod saray kalaban ko+ so kaugsan da;Komon ta panganggaen* mo ra lapud inkamatoor mo.+
6 Mabulos ak a manbagat ed sika.+
Idayew koy ngaran mo, O Jehova, ta maabig itan.+
7 Ta ililiktar to ak ed amin a gonigon,+Tan nanengneng kon natalo iray kakabusol ko.+
Paimanod leksab
^ Odino “idepensam so kanepegan ko.”
^ Odino “et aanapen day kamarerwak.”
^ Odino “Agda iiyan ed arapan da so Dios.”
^ Odino “kamarerwak.”
^ Literal, “pareenen.”
