Salmo 72:1-20
Nipaakar ed si Solomon.
72 O Dios, ibangat mo komon ed ari iray panangukom mo,Tan ikdan mo na inkatunong mo so anak na ari.+
2 Idepensa to komon so kanepegan na saray totoom diad inkatunong,Tan saray pakaskasin totoom diad inkahustisya.+
3 Komon ta say kapalandeyan et mangiyakar na kareenan ed totoo,Tan say kapukdolan et mangiyakar na inkatunong.
4 Iyagel* to komon iray pakaskasi ed limog na totoo,Iliktar to komon iray ananak na mairap-bilay,Tan deralen to komon so managsaol.+
5 Ontakot irad sika anggad walay agewTan anggad walay bulan,Manlapud sakey a henerasyon anggad saray manumtumbok a henerasyon.+
6 Sikatoy magmaliw a singa uran ya ompepelag ed saray atabasan a dika,Singa uran a manasalog ed dalin.+
7 Diad saray agew to et ombulaslas* so matunong,+Tan inerman a pasen et walay kareenan+ anggad kaandi na bulan.
8 Saray magmaliw a sakop to et* manlapud sakey a dayat ya anggad sananey a dayatTan manlapud Ilog* anggad saray sampot na dalin.+
9 Saray manaayam ed desierto et ondakmomod sikato,Tan saray kakabusol to et dildilan day dabok.+
10 Saray arari na Tarsis tan saray isla et manbayar na buis.+
Saray arari na Sheba tan Seba et mangiter na saray regalo.+
11 Amin ya arari et ondakmomod sikato,Tan amin a nasyon et manlingkor ed sikato.
12 Ta iliktar to so mairap-bilay ya onkekerew na tulong,Tan samay pakaskasi tan siopaman ya anggapoy ontutulong.
13 Kasian to so pobri tan say mairap-bilay,Tan isalba toy bilay* na saray maniirap.
14 Iliktar to ra* ed panagpairap tan karuksaan,Tan say dala ra et magmaliw a mabli ed pakanengneng to.
15 Sikatoy manbilay komon na andukey tan naikdan komon na balitok manlapud Sheba.+
Sikatoy mantultuloy komon ya ipikasi na arum,Tan narayew komon diad amin a panaon.
16 Dakdakel so anien ya ilik diad dalin;+Say toktok na kapalandeyan et napanopano.
Say anien to et ombulaslas a singa ed Lebanon,+Tan diad saray syudad, saray totoo et onaligwas a singa saray tanaman ed dalin.+
17 Mansiansia komon so ngaran to ya anggad angga,+Tan onkayat komon itan anggad walay agew.
Diad panamegley to et onggamor komon so totoo na bendisyon;+Iyabawag komon na amin a nasyon a sikatoy maliket.
18 Narayew komon si Jehova a Dios, say Dios na Israel,+A sikato labat so manggagawa na makapakelaw iran bengatla.+
19 Narayew komon ya anggad angga so maglorian ngaran to,+Tan napano komon na gloria to so interon dalin.+
Amen. Amen.
20 Dia anampot iray pikakasi nen David, ya anak nen Jesse.+
Paimanod leksab
^ Literal, “Ukomen.”
^ Literal, “ontubo.”
^ Odino “Sikatoy manuley.”
^ Salanti, say Eufrates.
^ Odino “kamarerwa.”
^ Odino “Dondonen toy kamarerwa ra.”
