Salmo 76:1-12
Parad direktor; bansagan na nandeles iran instrumento. Salmo nen Asaf.+ Sakey a kansion.
76 Say Dios et kabkabat ed Juda;+Say ngaran to et bantog ed Israel.+
2 Say painawaan to et walad Salem,+Tan say ayaman to et walad Sion.+
3 Pinuputer tod man iray mandarlang a bala na pana,Say panagsamper, espada, tan arum nin armas parad guerra.+ (Selah)
4 Maliwliwawa ka;*Makapadinayew ka nen saray palandey ya ayaman na atap ya ayayep.
5 Saramay makmakpel so puso ra et asamsaman.+
Akaugip ira;Amin a sundalo et anggapoy agawaan da.+
6 Lapud pasnok mo, O Dios nen Jacob,Samay managkarwahe tan say kabayo to et naugi-ugip.+
7 Sika labat so makapadinayew.+
Siopay makatepel ed pinasyan sanok mo?+
8 Manlapud tawen et inyabawag moy panangukom mo;+Say dalin et tinmakot tan nampareen+
9 Sanen inmalagey so Dios pian idapo toy panangukom,Pian iliktar toy amin a mauyamo ed dalin.+ (Selah)
10 Ta say sanok na too et kirayewan mo;+Say akeran sanok da et usaren mon pamarakep ed inkasika.
11 Mangisipan kayod si Jehova a Dios yo tan toor yo iratan,+Komon ta amin ya akapaliber ed sikato et mangawit na regalo a walaay takot.+
12 Iyabeba toy inkamapaatagey* na saray lider;Patatakoten to ray arari na dalin.
