Salmo 99:1-9
99 Si Jehova et nagmaliw ya Ari.+ Onggiwgiw komon iray totoo.
Sikatoy akayurong ed trono diad tagey* na saray kerubin.+ Onyegyeg komon so dalin.
2 Si Jehova so makapanyari diad Sion,Tan uuleyan to so amin a totoo.+
3 Idayew da komon so maglorian ngaran mo,+Ta makapadinayew tan masanto itan.
4 Sikatoy makapanyarin ari a mangaaro ed hustisya.+
Inletneg mon malet so kaptekan.
Pinawalam so hustisya tan inkatunong+ diad Jacob.
5 Itandoro yoy Jehova a Dios tayo+ tan dakmomo* kayod salian to;+Sikatoy masanto.+
6 Si Moises tan Aaron et kaiba ed saray saserdote to,+Tan si Samuel et sakey ed saramay ontatawag ed ngaran to.+
Tinmawag ira ed si Jehova,Tan inebatan to ra.+
7 Sikatoy akitongtong ed sikara manlapud lurem a singa lusek.+
Inunor da ray panonot to tan say ganggan ya inter tod sikara.+
8 O Jehova a Dios mi, inebatan mo ra.+
Sika so Dios ya amerdona ed sikara,+Balet dinusam* ira lapud saray gagawaen dan kasalanan.+
9 Itandoro yoy Jehova a Dios tayo+Tan dakmomo* kayo diad arap na masanton palandey to,+Ta si Jehova a Dios tayo et masanto.+
Paimanod leksab
^ Odino posiblin, “pegley.”
^ Odino “mandayew.”
^ Literal, “binales mo.”
^ Odino “mandayew.”
