Sofonias 2:1-15
2 Mantitipon kayo, on, mantitipon kayo,+O sikayo ran totoo na nasyon ya anggapoy baing.+
2 Sakbay a nipaakseb so ganggan,Sakbay ya onlabas so agew a singa taep,Sakbay ya onsabi ed sikayo so mandarlang a sanok nen Jehova,+Sakbay ya onsabi ed sikayo so agew na sanok nen Jehova,
3 Anap yoy Jehova,+ amin yon mauyamo* ed dalin,A manusumpal ed saray matunong a ganggan* to.
Anap yoy inkatunong, anap yoy kauyamoan.*
Nayarin* niyamot kayo diad agew na sanok nen Jehova.+
4 Ta magmaliw ya ataynanan a syudad so Gaza;Tan magmaliw ya agla napanayaman so Askelon.+
Napataynan so Asdod legan na kakkaktangay agew,*Tan nabagot so Ekron.+
5 “Pakaskasi la iramay manaayam ed gilig na dayat, say nasyon na saray Kereteo!+
Say mensahe nen Jehova et sumpad sikayo.
O Canaan a dalin na saray Filisteo, deralen ta ka,Pian anggapoy nakeran manayam ed sika.
6 Tan magmaliw a panagpastolan so gilig na dayat,Tan nawalaan na saray bobon parad saray managpastol tan saray pukokan a gawad bato parad saray karnero.
7 Magmaliw itan a rehyon parad saramay akera ed sankaabungan na Juda;+Mangan ira ditan.
Diad labi et ondukol ira ed saray kaabungan ed Askelon.
Ta imanoen* ira nen Jehova a Dios da,Tan tiponen to ray narel ed sikara.”+
8 “Nadngel koy panagbalaw na Moab+ tan say panag-insulto na saray Ammonita,+A mangakantiaw ed saray totook tan mangilalastog a samsamen day dalin da.+
9 Kanian unong a mabilay ak,” so imbaga nen Jehova na saray armada, say Dios na Israel,“Say Moab et magmaliw a singa Sodoma,+Tan saray Ammonita et magmaliw a singa Gomorra,+Sakey a pasen a kawalaay sabisabit, abot na asin, tan agla napanayaman a dalin.+
Samsamen ira na saray akera ed totook,Tan pataynanen ira na saray akera ed nasyon ko.
10 Oniay awaten dan kasalat na inkamapaatagey da,+Lapud kinantiawan tan nilastogan da iray totoo nen Jehova na saray armada.
11 Si Jehova et magmaliw a makapadinayew* ed sikara;Ta paandien* to so amin a dirios ed dalin,Tan ondakmomo* ed sikato so amin ya isla na saray nasyon,+Balang sakey ed pasen to.
12 Sikayo ran Etiope et ompatey met ed espadak.+
13 Iyunat toy lima to ed amianen tan deralen toy Asirya,Tan pagmaliwen ton agnapanayaman so Ninive,+ tan namagaan a singa desierto.
14 Ondukol ed loob to iray pulok, amin a klase na atap ya ayep.*
Mansanlabi ed saray lusek to so pelikano tan porcupino.*
Walay narengel a mangansion ed bintana.
Walay nagawan panagderal diad entrada na puerta;Ta iparungtal to ray dingding a gawad kiew a sedro.
15 Saya imay mapaatagey a syudad ya akayurong a maligen,A mangibabaga ed sarili to, ‘Siak, tan anggapo lay arum.’
Agaylan sikatoy nagmaliw a bengatlan pakataktakotan,Sakey a pasen a pandukolan na saray atap ya ayep!
Amin ya ondadalan ed sikato et manngisiw tan manpeyeng.”+
Paimanod leksab
^ Odino “mapaabeba.”
^ Literal, “ed panangukom.”
^ Odino “inkamapaabeba.”
^ Odino “Anganko.”
^ Odino “diad kagkaagwan.”
^ Odino “asikasoen.”
^ Odino “mandayew.”
^ Odino “paebengen.”
^ Odino “makapataktakot.”
^ Literal, “kada ayep na sakey a nasyon.”
^ Sakey a baleg ya utot a makaturok iray bago to. Diad Ingles et porcupine.
