Zacarias 9:1-17
9 Sakey ya inyabawag a mensahe:
“Say mensahe nen Jehova et sumpad dalin na Hadrac,Tan say Damasco so puntirya* na satan+—Ta iimanoen nen Jehova so katooan+Tan amin a tribu na Israel—
2 Tan sumpad Hamat+ a walad saray ketegan to,Tan sumpad Tiro+ tan Sidon,+ anggaman makabat iran maong.+
3 Angipaalagey so Tiro na padir a pinagkadepensa* to,
Sikatoy nantipon na pilak a singa karakel na dabok,Tan balitok a singa saray dutak ed karsada.+
4 Alaen nen Jehova iray kaykayarian to,Tan deralen tod dayat so armada to;+Tan sikatoy napoolan.+
5 Nanengneng itan na Askelon tan sikatoy ontakot;Nagonigon a maong so Gaza,Pati say Ekron, lapud nabaingan so paniilaloan to.
Naandi so ari ed Gaza,
Tan agnapanayaman so Askelon.+
6 Manayam ed Asdod so sakey ya anak ed paway,Tan panganggaen koy inkamapaatagey na Filisteo.+
7 Ekalen kod sangi to iray adalaan a bengatlaTan ekalen kod ngipen to iray makapadimlan bengatla,Tan sikato so natilak parad Dios tayo;Tan sikatoy magmaliw a singa shik* ed Juda,+Tan say Ekron et singa say Jebuseo.+
8 Mankampo ak a singa guardia* ed abung ko,+Pian anggapoy siopaman a makaloob tan makapaway;Tan anggapo lay makadalan a managganggan,*+Ta natan et anengneng kon mismo itan.*
9 Manliket kan maong, O anak a bii na Sion.
Iyeyag moy pananalom, O anak a bii na Jerusalem.
Onsabi ed sika so arim.+
Sikatoy matunong tan mangililiktar,*Mapaabeba+ tan akalugan ed sakey ya asno,Ed sakey a kilaw,* say kilaw na kabatyan ya asno.+
10 Ekalen kod Efraim iray karwahen pan-guerraTan saray kabayo ed Jerusalem.
Naputerputer iray pana a parad guerra.
Tan iyabawag toy kareenan ed saray nasyon;+Say pananguley to et manlapud sakey a dayat ya anggad sananey a dayatTan manlapud Ilog* ya anggad saray sampot na dalin.+
11 Balet sika, O bii, diad panamegley na dala na impisipanan mo,Ibulos ko iray imprisom ed abot ya anggapoy danum.+
12 Pawil kayo ed salimbengan, sikayo ran priso a walaay ilalo.+
Ibagak ed sika natan,‘O bii, doblin bendisyon so awaten mod siak.+
13 Ta pinaten* koy Juda bilang say panak.
Ibalak so Efraim,*Tan bangonen ko iray ananak mo, O Sion,Pian onlaban ed saray ananak mo, O Gresya,Tan gawaen ta kan singa espada na sakey a sundalo.’
14 Si Jehova et nanengneng a kaiba ra,Tan ompaway a singa kirmat so pana to.
Paknolen na Soberanon Katawan a Jehova so tambuyog,+Tan sikatoy onabante a kaiba na saray maksil a dagem na abalaten.
15 Idepensa ira nen Jehova na saray armada,Tan akmonen da tan daegen da iray baton ibabala ed palsot.+
Oninum ira tan magmaliw iran maingal a singa ra akainum na alak;Tan napano ra a singa yaong,Singa saray suyok na altar.+
16 Diad satan ya agew et iliktar ira nen Jehova a Dios da,A singa pangiliktar na pastol ed saray karnero to;+Ta onkidyam ira diad dalin to a singa saray ankablin bato ed korona.+
17 Ta agaylay kabaleg na kamaongan to,+Tan agaylay kabaleg na gloria to!
Ombiskeg iray kalangweran a lalaki lapud ilik,Tan saray mamarikit lapud balon alak.”+
Paimanod leksab
^ Literal, “so pasen a pampainawaan.”
^ Odino “panag-amotan.”
^ Say shik et sakey a pangulo na tribu.
^ Mapatnag a say paniirap na totoo to.
^ Odino “managpairap.”
^ Odino “akapueston sundalo.”
^ Odino “tan mananalo; tan angilaban.”
^ Odino “sakey a kalakian ya asno.”
^ Say Eufrates.
^ Literal, “gatinan.”
^ Singa sakey a pana.
