Say balibalin komento et mamabiskeg ed kongregasyon. (Rom 14:19) Anggan saray mankokomento et minanabang met. (Pro 15:23, 28) Kanian, maabig no makapankomento tayo na anggano maminsan labat kada aral. Siempre, agtayo nailaloan ya natawag tayo kada mangitagey tayoy lima. Kanian, mas maong no mangiparaan tayoy pigaran komento.

• et simpli, malinew, tan antikey. Nayarin ibaga itan ed 30 segundo o mas antikey ni

• et mas maong no ibagam ed sarilim ya salita

• et aliwan pangibaga lamet ed no antoy nikomento la

• mangiter na simpli tan direktan ebat

• ibaga no antoy koneksion na nisitan teksto ed punto ya kokonsideraen

• bitlaen no panon ya makaapekto ed bilay tayo so punto

• ipaliwawa no panon ya nausar so impormasyon

• ibaga so sakey ya antikey ya eksperiensya ya mangidadanet ed manunan punto