Onggapod sayan taon, dakel so panaon tayon manparaan parad Memoryal na impatey nen Kristo. No say Memoryal et ombana ed weekday, anggapoy Aral Parad Ministeryo tan Bilay na Kristiano. No ombana itan ed weekend, anggapoy publikon paliwawa tan Panagaral na Panag-bantayan. Panon mon nausar ed sankaabigan so kaaruman ya panaon mo? Singa met nen inmunan siglo, wala ray praktikal ya uksoyan parad satan ya espisyal ya okasyon. (Luc 22:7-13; km 3/15 1) Balet amin tayo et kaukolan tayon iparaan so kapusoan tayo. Panon?

• Dalepdepen no akin ya importante so iyatendi.​—1Co 11:23-26

• Manpikasi tan usisaen so relasyon mod si Jehova.​—1Co 11:27-29; 2Co 13:5

• Basaen tan dalepdepen so Biblia tan saray base ed Biblia ya mangipapaliwawa ed kabaliksan na Memoryal.​—Jn 3:16; 15:13

Babasaen tan dadalepdepen na arum a manangipalapag so Babasaen ed Biblia diad Memoryal ya walad Usisaen so Kasulatan ya Inagew-agew. Babasaen na arum iray bersikulo ed Biblia ya wadiad sayan tsart. Saray arum balet et rerepasoen da iray artikulo ed Panag-bantayan ya mangipapaliwawa ed Memoryal tan ed panangaro nen Jehova tan Jesus ed sikatayo. Antokaman so pilien mon aralen, komon ta lalo kan napaapit ed si Jehova tan ed Anak to.