Akibalsakan si Jacob ed sakey ya anghel parad importantin maong a bengatla​—say bendisyon nen Jehova. (Ge 32:24-31; Os 12:3, 4) Sikatayo ey? Kasin mabulos tayon gawaen so anggaay nayarian tayo pian unoren si Jehova tan naawat so bendisyon to? Singa bilang, antoy pilien tayo​—miaral odino man-overtime ed trabaho? No iter tayod si Jehova so sankaabigan ya panaon, biskeg, tan kaykayarian tayo, ikalbo tod sikatayo so “dakerakel a bendisyon ya anggad anggapo lay napanginan ed satan.” (Mal 3:10) Igiya tan protektaan to tayo tan iter to ray nakaukolan tayo.​—Mat 6:33; Heb 13:5.

BANTAYAN SO VIDEO YA MANSIANSIAN AKAPOKUS ED ESPIRITUAL IRAN KALAT, INSAN EBATAN IRAYA:

• Panon ya asubok so sister ed sakey a bengatlan labalabay to?

• Panon ya magmaliw a subok ed sikatayo so sekular a trabaho?

• Akin a kaukolan nin siansia nen Timoteo so mangi-set na goal anggano matatken lad espiritual?​—1Ti 4:16

• Panon tayon nipanengneng no dinan so “manunaan ya trabaho” tayo?