Pangaligan Iran Presentasyon
ONLIING!
Tepet: Parad sika, no umanen na totoo iray makapuy ya apasalan da, kasin nabawbawi day gawaen da?
Teksto: Ec 7:8a
Pangiyopresi: Nabasa ed sarayan artikulo iray prinsipyo ed Biblia ya makatulong ed totoo pian saray napasalan dan gawaen et parad pankaabigan da.
ONLIING!
Tepet: Agnaiwasan so pananguman ed bilay. Parad sika, antoy sankaabigan a gawaen pian makapan-adjust tayo no wala ray pananguman?
Teksto: Ec 7:10a
Pangiyopresi: [Ipanengneng so artikulo ya onggapo ed pahina 10.] Nabasa ed sayan artikulo iray prinsipyo ed Biblia ya makatulong pian makapan-adjust tayo ed pananguman.
ONDENGEL ED DIOS PIAN MANBILAY YA ANDI-ANGGA
Tepet: Walay ngaran tayon amin, anggan saray kapamilya tan kakaaro tayo. Say Dios balet ey? Antoy ngaran to ey?
Teksto: Sal 83:18
Pangiyopresi: Nabasa ed sayan brosyur so arum nin ibabangat na Biblia nipaakar ed Dios. [Ipanengneng so pahina 6 tan 7.]
MANGGAWAY SARILIM YA PRESENTASYON
Alig moy format ya akasulat diad tagey pian makagawa na sarilin presentasyon mo.
