Akin ya kaukolan tayoy miulop ed saramay mangaaro ed si Jehova? Lapud saray kaulop tayo et nayarin mangimpluensya ed sikatayo ya manggawa na balanglan maong odino mauges. (Pro 13:20) Singa bilang, si Arin Jehoas et ginawa to so “duga ed pakanengneng nen Jehova” legan ya kaulop to so Atagey a Saserdote ya si Jehoiada. (2Aw 24:2) Nen inatey lay Jehoiada, tinaynan nen Jehoas si Jehova lapud akiulop ed mauges a totoo.​—2Aw 24:17-19.

Nen inmunan siglo C.E., inkompara nen apostol Pablo so Kristianon kongregasyon ed sakey a “baleg ya abung” tan saray membro na satan diad saray “kagawaan” ed abung. Mansiansia itayon “pananginan ya onkanad kagalangan” no paliisan tayoy miulop ed siopaman ya manggagaway agmakapaliket ed si Jehova, anggano kapamilya tayo ni odino kakongregasyon tayo. (2Ti 2:20, 21) Kanian, itultuloy tayoy mikaaro ed saramay mangaaro ed si Jehova tan mamapabiskeg ed sikatayo ya manlingkor ed sikato.

BANTAYAN SO VIDEO YA ARALEN NO PANON YA IPULISAY SO MAUGES A PIPIULOP, INSAN EBATAN IRAYA:

• Panon ya agtayo naliklikas ya makakapiulop tayo lad mauges a totoo?

• Diad abantayan ya video, antoy akatulong ed taloran Kristiano pian itunda da lay mauges ya pipiulop?

• Anto ran prinsipyo ed Biblia so makatulong ed sika pian napilim iray maong a kaulop?