Nepeg tayon aligen so inkamabulos nen Isaias ya manlingkor. Impanengneng toy pananisia tan inawat ton tampol so panlingkor ed sakey a pankaukolan, anggan agto amtay amin ya detalye. (Isa 6:8) Kasin sarag moy manggawa na pananguman pian makapanlingkor ka ed lugar ya mas baleg so pankaukolan parad manangipulong na Panarian? (Sal 110:3) Siempre, kaukolan mon ‘kuentaen so nagastos’ antis mon gawaen itan. (Luc 14:27, 28) Balet, kaukolan ya akaparaan kan mansakripisyo parad panagpulong a kimey. (Mat 8:20; Mar 10:28-30) Singa impanengneng ed video ya Onalis Pian Manlingkor ed Lugar ya Mas Baleg so Pankaukolan, saray bendisyon ya nanaawat tayo diad panlilingkor ed si Jehova et agnaparaan na antokaman ya sakripisyo tayo.

• Anto ray insakripisyo na pamilyan Williams pian makapanlingkor ira ed Ecuador?

• Anto ray inkonsidera da nen manpipili ira no iner so panlingkoran da?

• Anto ray bendisyon ya naawat da?

• Iner so pakaromogan moy arum nin impormasyon no labay moy manlingkor ed lugar ya mas baleg so pankaukolan?

• Panon min napalaknab so ministeryo mi bilang pamilya? (km 8/11 4-6)

• No agkami makapanlingkor ed lugar ya mas baleg so pankaukolan, anto ray nagawaan mi pian makatulong ed mismon kongregasyon mi? (w16.03 23-25)