BILAY NA KRISTIANO
Paaligwasen Iray Abilidad Tayod Ministeryo—Tulongan Iray “Walaan na Dugan Kipapasen na Puso” Pian Magmaliw ya Disipulo
NO AKIN YA IMPORTANTE: Papabalegen nen Jehova iray bukel na katuaan ed saray “walaan na dugan kipapasen na puso parad bilay ya andi-anggaan.” (Gaw 13:48; 1Co 3:7) Mikikimeyan tayod sikato no diad ministeryo et manpokus tayod saramay onkikiwas ed nanaaralan da. (1Co 9:26) Nepeg ya natalosan na saray iyaaralan na Biblia ya say bautismo na Kristiano et kaukolan pian niliktar ira. (1Pe 3:21) Natulongan tayo iran magmaliw a disipulo no ibangat tayo ran manggaway pananguman ed bilay da, manpulong tan manbangat, tan idedika day bilay da ed si Jehova.—Mat 28:19, 20.
NO PANON IYAN NAGAWAAN:
-
Ipanonot ed saray iyaaralan na Biblia ya say gagala na panaaral da et pian ‘nakabat’ day Jehova tan napaliket da.—Jn 17:3
-
Tulongan iran onaligwas ed espiritual diad pangarap dad saray subok, ya singa say makapuy iran kagagawa tan mauges a kaulop
-
Pabiskegen tan pasesegen ira antis tan kayari na bautismo ra.—Gaw 14:22
BANTAYAN SO VIDEO YA TULONGAN KA NEN JEHOVA A DIOS, INSAN EBATAN IRAYA:
-
Antoy nayarin tatakotan na arum kanian agda ni labay ya idedikay bilay dad si Jehova tan manpabautismo?
-
Panon ya natulongan na saray elder iray iyaaralan na Biblia pian onaligwas irad espiritual?
-
Antoy naaralan tayod Isaias 41:10 nipaakar ed si Jehova?
-
Anto ran kualidad so kaukolan pian makapanlingkor tayod si Jehova anggano aliwa tayon perpekto?