Parad si Jehova et seryoso so sipanan na sanasawa. Imbaga ton kaukolan ya iyamong na asawan laki so asawa to. (Mat 19:5, 6) Dakel so Kristianon sanasawa ya maong ya alimbawa. Balet, anggapoy perpekton sanasawa. Walan wala ray problema. Agtayo komon aaligen so iisipen na arum ya say pansian o pandiborsyo so solusyon no walay onlesan problema. Panon ya naprotektaan na Kristianon sanasawa so panamaley da?

Nia ray limaran importantin gawaen.

1. Protektaan moy pusom, paliisan so mi-flirt tan imoral ya panagligliwaan ta pakapuyen na satan so relasyon yon sanasawa.​—Mat 5:28; 2Pe 2:14.

2. Paelet moy pikakaarom ed Dios tan unor mo iray ganggan tod panangasawa pian napaliket mo.​—Sal 97:10.

3. Itultuloy mon isulong so balon personalidad, tan manggawa na anggan simplin bengatla ya pakainawaan na asawam.​—Col 3:8-10, 12-14.

4. Pansiansiaen so regular, marespeto, tan matuan pantongtong yo.​—Col 4:6.

5. Maaro tan makonsideran iter so kanepegan na asawam.​—1Co 7:3, 4; 10:24.

No igagalang na saray Kristiano so panangasawa, igagalang day angigapo ed satan, si Jehova.

BANTAYAN SO VIDEO YA KAUKOLAN YA “MANANOS ITAYON OMBATIK”​—TUMBOKEN IRAY TOTONTONEN ED PAGALAW, INSAN EBATAN IRAYA:

• Anggaman diad gapo et nayarin balibali ulopan na sanasawa, anto ray posiblin magmaliw ya problema?

• Anto ran prinsipyod Biblia so makatulong ed saramay agda nalilikna so panangaro na asawa da?

• Anto ran totontonen so inter nen Jehova parad panangasawa?

• Pian maliket so relasyon na sanasawa, antoy nepeg ya gawaen na balang sakey ed sikara?