No sakey kan kabataan ya agbautismadon manangipalapag odino sakey kan iyaaralan na Biblia, kasin iplaplanom lay manpabautismo? Akin et manpabautismo ka? On ta say dedikasyon tan bautismo et gapo na maapit ya relasyon ed si Jehova. (Sal 91:1) Tan manresulta met itan ed kiliktar mo. (1Pe 3:21) Anto sirin so gawaen mo?

Nepeg ya paneknekan mod sarilim ya katuaan so nanaaralan mo. No wala ray tepet mo, man-research ka. (Rom 12:2) Amtaen no anto ray kaukolan mon umanen, tan uman mo iratan pian napaliket moy Jehova. (Pro 27:11; Efe 4:23, 24) Patulongan kan naynay ed sikato. Seguradon pabiskegen tan tulongan to ka panamegley na masanton espiritu to. (1Pe 5:10, 11) Tan nabawbawim so pansagpot mo ta say panlingkor ed si Jehova so sankaabigan ya bilay!​—Sal 16:11.

BANTAYAN SO VIDEO YA IYALIGWAS ANGGAD BAUTISMO, INSAN EBATAN IRAYA:

• Anto ray subok ed arum antis iran abautismoan?

• Panon mon napabiskeg so pananisiam pian nidedikam so sarilim ed si Jehova?

• Antoy ginawa na arum pian onkualipika ra parad bautismo?

• Anto ray bendisyon ed saray nandesisyon ya manlingkor ed si Jehova?

• Antoy labay ya ibaga na dedikasyon tan bautismo?