Mabmabli ka ed pakanengneng nen Jehova. (Isa 43:4) Inyasingger to ka ed sikato tan ed organisasyon to. Indedikam so bilay mo tan nampabautismo ka kanian kayarian ka nen Jehova. Asikasoen to ka bilang espisyal ya kayarian to, anggano diad saray mairap ya situasyon. Ipanengneng toy matoor ya panangaro tod sika panamegley na organisasyon to.—Sal 25:10.

Nipanengneng tayon aapresyaen tayoy matoor ya panangaro nen Jehova no nonoten tayo iray tulong ya ginawa na organisasyon ed saray agawan kalamidad diad agano ni labat.

BANTAYAN SO VIDEO YA 2019 REPORT NA COORDINATORS’ COMMITTEE, INSAN EBATAN IRAYAN TEPET:

• Panon ya imparaan na Coordinators’ Committee iray branch office ed interon mundo pian amta ray gawaen da no walay kalamidad?

• Panon ya angiter na direksion tan tulong so organisasyon nen Jehova diad Indonesia tan Nigeria?

• Antoy naapresyam ed saray ginawa na organisasyon legan na COVID-19 pandemic?