Sarag na Salita na Dios ya umanen so bilay tayo. (Heb 4:12) Balet pian nagunggonaan tayo ed panangigiya, instruksion, tan bilin na satan, kaukolan ya kombinsido tayo ya talagan “salita na Dios” itan. (1Te 2:13) Panon tayon napabiskeg so pananisia tayod Biblia?

Manbasa na pigaran bersikulo ed Biblia kada agew. Legan kan manbabasa, anap mo ray ebidensya ya si Jehova so Autor na satan. Singa bilang, aral mo ray bilin ya walad libro na Proverbio tan imanoen iray ag-ondadaan ya karunongan ditan.—Pro 13:20; 14:30.

Mangigapo kay study project. Kabisadoen iray ebidensya ya say Biblia et nanlapud Dios. Diad Giya ed Pan-research na Saray Tasi nen Jehova, la kad subject ya “Biblia” insan diad “Pinuyanan na Dios.” Sarag mo met ya pabiskegen so pananisiam ya ag-anguman so mensahe na Biblia no aralen mo ray impormasyon ya walad Apendise A3 na Balon Mundo a Patalos.

BANTAYAN SO VIDEO YA NO AKIN YA MANISIA TAYO ED . . . SALITA NA DIOS, INSAN EBATAN IRAYAN TEPET:

• Panon ya akatulong so adiskobre ya akaukit ed padir na templo na Karnak, Egypt pian nakompirma ya tua so ibabaga na Salita na Dios?

  Your answer

• Panon tayon amta ya ag-anguman so mensahe na Biblia?

  Your answer

• Panon kan akombinse ya lapud nipreserba so Biblia ya anggad natan et talagan Salita na Dios itan?—Basaen so Isaias 40:8

  Your answer