BILAY NA KRISTIANO
Manparaan La Natan Parad Medical Emergency
Akin ya manparaan? Bigbigla tan agnatalaranan iray medical emergency tan paka-ospital. Kanian antis ni ya walay nagawan emergency, gawam la so anggaay nayarian mo pian makapanparaan ka parad sankaabigan ya paraan na panagpatambal. No gawaen mo itan, ipapanengneng mon walay respetom ed bilay tan ed ganggan nen Jehova nipaakar ed dala.—Gaw 15:28, 29.
Panon kan makapanparaan?
-
Manpikasi ka tan maalwar mon isulat iray kaukolan ya impormasyon ed durable power of attorney (DPA) card mo. a Nayarin mangala na DPA card iray bautismadon manangipalapag diad literature servant, ontan met, sarag day mangala na Identity Card (ic) parad ananak dan menor de edad
-
No malukon ka, sarag moy mikerew na kopya na Information for Expectant Mothers (S-401) ed saray elder yo. Makatulong iyan dokumento pian makagawa kay maabig iran desisyon no wala ray onlesan problema legan ya malukon ka tan no mananak ka la
-
No walay gawaen ed sikan procedure ya nayarin nalalanor so pampasaksak na dala odino kaukolan moy na-confine ed ospital, ipaamtam lan tampol ed saray elder yo tan ibagam ed ospital ya labay mon walay ombisita ed sika ya ministro na Saray Tasi nen Jehova
Panon ya makatulong iray elder? Sarag da kan tulongan ya isulat iray kaukolan ya impormasyon ed DPA card mo. Balet aliwan saray elder so mandesisyon parad pampatambal mo tan agda met ibaga so sarili dan opinyon ed saray bengatlan sika so dapat ya mandesisyon. (Rom 14:12; Gal 6:5) No ipaamtam ed saray elder yo ya wala kad situasyon ya posiblin nalanor so pampasaksak na dala, kontaken da lan tampol so Hospital Liaison Committee (HLC) parad sika.
Panon ya makatulong so HLC? Nipasal iray brother ya walad HLC pian tulongan iray totoon mangaasikaso ed medikal tan legal iran bengatla ya natalosan so papanisiaan tayo nipaakar ed dala. Sarag dan ipaliwawa ed doktor mo iray paraan na panagtambal ya napaliisan so pampasaksak na dala. No kaukolan, sarag da kan tulongan ya mananap na doktor ya mikoopera ed desisyon mon agmanpasaksak na dala.
BANTAYAN SO VIDEO YA NO PANON SO PANDESISYON ED PANAGPATAMBAL YA NALALANOR SO DALA, INSAN EBATAN IRAYA:
-
Antoy naaralan mo ed sayan video ya makatulong ed sikan manparaan parad medical emergency ya nalalanor so pampasaksak na dala?
a Makatulong so Leksion 39 na libron Panliketan so Bilay ya Anggapoy Anggaan! no mandedesisyon ka nipaakar ed panagpatambal ya nalalanor so pampasaksak na dala.
