Labay tayon napaliket si Jehova ed amin ya gagawaen tayo. (Pro 27:11) Pian nagawaan tayo itan, kaukolan ya nanengneng ed saray desisyon tayo so panagnonot to anggano anggapoy malinew ya ganggan odino instruksion ya mangigiyad sikatayo. Antoy makatulong?

Pansiansiaen so maabig ya rotina na panag-aral na Biblia. Kada no manbabasa tayoy Biblia, singa tayo kaibay Jehova. Naaralan tayoy paraan na panagnonot to ed saray paraan na impantrato tod totoo to tan no aralen tayo ray alimbawa na saramay nanggaway maong odino mauges ed pakanengneng to. No kaukolan tayoy mandesisyon, ipanonot ed sikatayo na masanton espiritu iray importantin leksion tan prinsipyo ya naaralan tayod Salita na Dios.—Jn 14:26.

Man-research. No mandedesisyon ka, tepetan moy sarilim, ‘Anto ran teksto o salaysay ed Biblia so makatulong ed siak pian natalosan koy nalilikna nen Jehova ed sayan situasyon? Ipikasim ya tulongan ka nen Jehova, tan usar mo ray uusaren ed panag-research ya walad lenguahe yo pian naalmom iray prinsipyo na Biblia ya dugarugad situasyon mo tan niyaplikam iratan.—Sal 25:4.

BANTAYAN SO VIDEO YA KAUKOLAN YA “MANANOS ITAYON OMBATIK”—MANGAN NA MASUSTANSIAN KAKANEN, INSAN EBATAN IRAYAN TEPET:

• Anto ray pressure ya inarap na sakey ya kabataan ya sister diad video?

  Your answer

• Panon mon nausar iray uusaren ed panag-research pian nasarag mo met iray ontan ya pressure?

  Your answer

• Antoy nitulong na pangipanaon tayoy pan-research tan pan-personal study no manggawa tayoy desisyon?—Heb 5:13, 14

  Your answer