Enero 6-12
SALMO 127-134
Kansion 134 tan Pikakasi | Introduksion (1 min.)
1. Atateng—Tuloytuloy Yon Asikasoen so Mabmablin Regalo ed Sikayo
(10 min.)
Nailaloan na atateng ya tulongan ira nen Jehova pian nitarya da ray pankaukolan na pamilya da (Sal 127:1, 2)
Saray ananak et mabmablin regalo ya nanlapud si Jehova (Sal 127:3; w21.08 5 ¶9)
Nepeg ya ipasal so kada anak depende ed pankaukolan to (Sal 127:4; w19.12 26 ¶20)
Malikeliket si Jehova no lanang ya manpapaigiya ed sikato iray atateng tan gagawaen day anggaay nayarian da ya asikasoen iray ananak da
2. Saray Espiritual a Kayamanan
(10 min.)
-
Sal 128:3—Akin ya imbaga na salmista ya saray ananak et singa simit na kiew ya olibo? (mwbr25.01—it-1 543)
-
Anto ran espiritual a kayamanan so labay yon inabang manlapud babasaen ed Biblia ed sayan simba?
3. Panagbasa na Biblia
(4 min.) Sal 132:1-18 (th leksion 2)
4. Pangigapo na Tongtongan
(3 min.) IMPORMAL YA PANAGPULONG. (lmd leksion 1 punto 3)
5. Pangigapo na Tongtongan
(4 min.) IMPORMAL YA PANAGPULONG. Walay imbaga na katongtong mo ya kontra ed ibabangat na Biblia. (lmd leksion 5 punto 4)
6. Panaggaway Disipulo
(5 min.) lff leksion 16 punto 4-5. Ibagam ed iyaaralan mo no panon ya ituloy so panaral to na Biblia legan ya anggapo ka. (lmd leksion 10 punto 4)
Kansion 13
7. Atateng—Kasin Uusaren Yo Iyan Epektibon Paraan na Panagbangat?
(15 min.) Pantongtongan kaiba iray ondedengel.
Dakdakel so im-publish na organisasyon nen Jehova pian tulongan iray atateng ya ibangat iray ananak da nipaakar ed si Jehova. Pero siansia nin say sakey ed saray sankaepektiboan ya paraan pian nibangat na atateng iray ananak da et diad panamegley na maong ya alimbawa da.—De 6:5-9.
Inusar nen Jesus itan ya epektibon paraan nen imbangat to ray disipulo to.
Basaen so Juan 13:13-15. Insan itepet iya:
-
Akin et nibaga yon epektibo so impanbangat nen Jesus diad panamegley na alimbawa to?
Bilang ateng, nanengneng na ananak yo ed saray gagawaen yo no akin ya makatulong ed sikara iray ibabangat yo. No maong so alimbawa yo, mas dengelen na ananak yo iray ibabangat yo tan unoren da kayo.
I-play so VIDEO ya Ibangat Iray Ananak Panamegley na Alimbawa. Insan itepet iraya:
-
Anto ray importantin imbangat nen Brother tan Sister Garcia ed saray ananak da?
-
Antoy nitulong ed sikayo na sayan video pian tuloytuloy yon nipanengneng so maong ya alimbawa ed saray ananak yo?
8. Panag-aral na Kongregasyon ed Biblia
(30 min.) bt kap. 20 ¶13-20
