Mainomay ya magmaliw ya komplikado so bilay tayo natan lapud dakel ya bengatla. Kaukolan so panaon tan biskeg ed pangaliw, pambayar, pangusar, panmintina, tan pamprotekta na saray materyal a kayarian. Nambilay na simpli si Jesus pian agnibalang na saratan so pokus tod ministeryo.—Mat 8:20.

Panon mon napasimpli so bilay mo pian mas dakel so nagawaan mod ministeryo? Nayari kasin manggaway pigaran pananguman so pamilya yo pian walay makapanpayunir ed sikayo? Anggano payunir ka la, kasin aabuloyan mon magmaliw a komplikado so bilay mo lapud saray materyal a bengatla? No simpli so bilay tayo a manlilingkor ed si Jehova, magmaliw tayon maliket tan kontento.—1Ti 6:7-9.

Isulat iray gawaen mo pian napasimpli so bilay mo.