MAGMALIW YA EPEKTIBO ED MINISTERYO | GAWAM YA MAS MAKAPALIKET SO MINISTERYOM
Sabien so Puso
Nepeg ya manlapud puso so katutulok tayo ed Dios. (Pro 3:1) Kanian no manbabangat tayo, nepeg tayon pansagpotan ya sabien so puso na iyaaralan tayo. Panon?
Agtayo labat basta ibabangat iray katuaan na Biblia ed iyaaralan tayo, noagta tulongan tayo met ya natalosan toy koneksion na saratan ed bilay to tan ed relasyon tod si Jehova. Tulongan mon nanengneng so panangaro, kamaongan, tan inkatunong nen Jehova diad saray estandarte na Biblia. Mataktikam ya tepetan pian ibalikas to no antoy nalilikna to ed saray nanaaralan to. Tulongan mo pian nanengneng to ray maabig ya resulta no ipetek to iray lingon pakatalos odino makapuy ya kagagawa to. No nanengneng mon talagan inaro na iyaaralan mo si Jehova, mas makapaliket so ministeryom.
BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—PAALIGWASEN SO DUNONG MO—SABIEN SO PUSO, INSAN EBATAN IRAYAN TEPET:
-
Akin et intepet nen Neeta ed si Jade: “Iisipen mo ni may nantongtongan ta nen Lunes?”
-
Panon ya tinulongan nen Neeta si Jade pian nanengneng toy panangaro nen Jehova ed sikato diad saray estandarte na Biblia?
-
No sabien tayoy puso na iyaaralan tayo, natulongan tayon tuloytuloy ya onapit ed si Jehova
Panon ya tinulongan nen Neeta si Jade pian naisip to no panon ton ipatnag so panangaro to ed Dios?
