Tinulongan nen Jehova iray Israelita nensaman ya mairap so bilay da. Diad anto ran paraan to met tutulongan iray lingkor to natan ya mairap so bilay da?

• Ibabangat to tayon nawalaan na balansin panmoria ed kuarta.—Luc 12:15; 1Ti 6:6-8

• Tutulongan to tayon nawalaan na respeto ed sarili tayo.—Job 34:19

• Ibabangat to tayon mankuli tan paliisan iray bisyo.—Pro 14:23; 20:1; 2Co 7:1

• Iyaapit to tayod saray maar-aron agagi.—Jn 13:35; 1Jn 3:17, 18

• Iikdan to tayoy ilalo.—Sal 9:18; Isa 65:21-23

Anggano panon la kairap so situasyon tayo, agtayo nepeg ya manpaga. (Isa 30:15) Itarya nen Jehova iray materyal ya pankaukolan tayo basta itultuloy tayon iyuna so Panarian to.—Mat 6:31-33.

BANTAYAN SO VIDEO YA SAY ARO AGBALOT MANGANGGA ANGGANO . . . MAIRAP SO BILAY—CONGO, INSAN EBATAN IRAYAN TEPET:

• Panon ya impanengneng na saray agagin asingger ed pankombensionan so maaron panagparawes ed saray agagin manlapu nid arawi?

• Antoy naaralan tayod video nipaakar ed panangaro nen Jehova ed saray mairap bilay?

• Panon tayon naalig si Jehova antokaman so kipapasen tayod materyal?