MAGMALIW YA EPEKTIBO ED MINISTERYO | GAWAM YA MAS MAKAPALIKET SO MINISTERYOM
Ipanengneng so Empatya
Say empatya et abilidad ya talosan so kanonotan, liknaan, papanisiaan, tan pankaukolan na sananey ya too. Mainomay ya nalikas na arum no impapuso so itutulong tayo ed sikara. No ipanengneng tayo so empatya diad ministeryo, ipapatnag tayoy panangaro tan panagmalasakit nen Jehova, tan lapud satan et onasingger ed sikato iray totoo.—Fil 2:4.
Say pangipanengneng na empatya et aliwa labat ya basta teknik ed panagbangat; kaukolan ya napatnagan itan diad paraan na idedengel tan pitotongtong, ontan met ed ugali, kakikiwas, tan ekspresyon na lupa tayo. Nipanengneng tayoy empatya no ipatnag tayoy tuan malasakit ed sakey a too. Imanoen tayo iray labalabay, papanisiaan, tan situasyon to. Mangiter tayoy praktikal iran impormasyon tan tulong balet agtayo papasooten ya manguman. No walay mangawat ed tulong tayo, mas maliket so ministeryo tayo.
BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—PAALIGWASEN SO DUNONG MO—IPANENGNENG SO EMPATYA, INSAN EBATAN IRAYAN TEPET:
-
Panon ya impanengneng nen Neeta so empatya nen naatrasado si Jade?
-
Panon ya impanengneng nen Neeta so empatya nen imbaga nen Jade ya ag-ready ed pan-study da lapud nai-stress ya maong?
-
Onapit iray totoo ed si Jehova no ipapanengneng tayoy empatya
Panon ya impanengneng nen Neeta so empatya nen imbaga nen Jade ya mangiras ya man-ayos?
