Kaukolan so pananisia pian nasarag mon taynan so pasen ya apasalan mo tan onlad balon lugar pian napalaknab moy ministeryom. (Heb 11:8-10) No goal moy onalis ed lugar ya mas baleg so pankaukolan, mitongtong kad saray elder yo. Anto ray praktikal ya nagawaan mo pian naamtaan mo no kasin sarag mon aboten iyan goal tan pian makapanpili kay lugar ya laen mo? Manbasa na saray publikasyon tayo nipaakar ed panlingkor ed lugar ya mas baleg so pankaukolan. Mitongtong ed saramay asali da lay tinmulong ed arum ya kongregasyon ya mankaukolan. (Pro 15:22) Manpaigiya ka ed si Jehova panamegley na pikakasi. (San 1:5) Man-research nipaakar ed lugar ya planom ya pamboluntaryoan, tan no posible, pasyar ka ni diman na pigaran agew antis kan mandesisyon.

BANTAYAN SO VIDEO NA DRAMATIZATION YA PALAKNABEN SO KIMEY A WALAAY PANANISIA—MANLINGKOR ED LUGAR YA MAS BALEG SO PANKAUKOLAN, INSAN EBATAN IRAYAN TEPET:

• Anto ray posiblin makaamper ed pamboluntaryo nen Gabriel, balet antoy akatulong ed sikato?