Dugay napangusaran tayoy biskeg tayo no wala ray goal tayod espiritual. (1Co 9:26) Makatulong iray goal pian nausar tayod sankaabigan so nakekeran panaon antis ya manampot iyan sistema na mundo. (Efe 5:15, 16) Legan na panagdayew na pamilya yo, maabig no pantongtongan yo ray goal ya sarag yon aboten parad balon serbisyon taon. Makatulong iyan isyu na workbook ed aral ta wadia ray artikulo ya nipaakar ed saray goal ya sarag yon ikonsidera tan ipikasi.—San 1:5.

Singa bilang, nayari kasin mikoopera so interon pamilya yo pian makapan-regular payunir so anggan sakey ed sikayo? No bilang manaalangan ka ta ompan agmo naabot so kakaukolanen ya oras, sarag moy mitongtong ed saray payunir ya kaparehom na situasyon. (Pro 15:22) Legan na panagdayew na pamilya yo, sarag yo ni ingen ya interbyuen so sakey ya payunir. Insan isulat mo iray posiblin eskedyul mo.

Kasin makapan-auxiliary payunir so arum ed pamilya yo na sakey odino pigaran bulan? No medyo makapuy so laman mo, sarag mo nin siansiay man-auxiliary payunir no mangigana kay daiset ya panaon kada agew diad ministeryo. No limitadoy oras mon ompaway ed weekdays lapud mantratrabaho ka ya full-time odino lapud mani-eskuela ka, sarag moy man-auxiliary payunir diad bulan ya walay holiday odino limara so weekend to. Isulat mod kalendaryo no kapigan so planom ya pan-auxiliary payunir tan manggawa kay eskedyul mo.—Pro 21:5.

BANTAYAN SO VIDEO YA MANPAKPEL KAYO, SIKAYO RAN . . . PAYUNIR, INSAN EBATAN IRAYAN TEPET:

• Antoy naaralan tayod eksperiensya nen Sister Aamand nipaakar ed maaron pangaasikaso nen Jehova ed saray mansasakripisyo ed panag-payunir?