Labay nen Jehova ya maliket so kada pamilya. (Sal 127:3-5; Ec 9:9; 11:9) Balet nayarin naandi itan ya liket lapud saray aliwliwan nagagawa ed mundo odino nayarin lapud lingo ya ginawa na sakey a membro na pamilya. Antoy nagawaan na kada membro pian magmaliw ya maliket so pamilya da?

Papagalangan na asawan laki so asawa to. (1Pe 3:7) Iikdan toy panaon. Realistiko iray iilaloan tod asawa to tan aapresyaen toy nagagawaan na asawa to parad sikato tan ed pamilya da. (Col 3:15) Inar-aro toy asawa to tan irarayew to met.​—Pro 31:28, 31.

Lanang ya manggagaway paraan so asawan bii pian nasuportaan toy asawa to. (Pro 31:12) Manpapasakop tan mikokoopera ed sikato. (Col 3:18) Maong so pitotongtong tod asawa to tan balibali iray ibabaga to nipaakar ed sikato.​—Pro 31:26.

Walay panaon na atateng ed saray ananak da. (De 6:6, 7) Ibabaga dan inar-aro da ra. (Mat 3:17) No didisiplinaen da ray anak da, maar-aro ira tan tatalosan da ra.​—Efe 6:4.

Igagalang tan uunoren na ananak iray atateng da. (Pro 23:22) Ipapaamta dad saray atateng da no antoy iisipen tan nalilikna ra. Aawaten day disiplina na atateng da tan rerespetoen da ra.—Pro 19:20.

BANTAYAN SO VIDEO NA DRAMATIZATION YA GAWAEN YA MALIKET SO PAMILYA YO, INSAN EBATAN IYAN TEPET:

• Antoy ginawa na kada membro pian magmaliw ya maliket so pamilya?