Legan na Setyembre, pansagpotan tayon ipakabat ed totoo ya say Panarian na Dios labat so alenleneg a solusyon ed amin ya problema na totoo. (Mat 24:14) Panon kan makapitulongan? Legan na satan ya bulan, anggad posible et mangibasa kay sakey a teksto nipaakar ed Panarian na Dios diad dakel ya totoo. No interesado so apulongan mo, iyopresi so publikon edisyon na Say Panag-bantayan No. 2 2020. Insan, pawil mon tampol no posible, tan salim ya igapo so panag-aral na Biblia ya usaren so brosyur ya Panliketan so Bilay ya Anggapoy Anggaan! Amin ya man-apply ya auxiliary pioneer legan na Setyembre et nayari dan pilien ya aboten so 15 odino 30 ya kakaukolanen ya oras.

Asingsingger lan buyaken na Panarian na Dios so amin ya autoridad ya onkokontra ed satan. (Da 2:44; 1Co 15:24, 25) Komon ta mamasya tayon amin ed sayan espisyal ya kampanya pian nipanengneng tayoy suporta ed si Jehova tan ed Panarian to!