BILAY NA KRISTIANO
Aligen so Matoor ya Panangaro nen Jehova
Si Jehova so sankaabigan ya alimbawa ed pangipanengneng na matoor ya panangaro. (Sal 103:11) Atan ya panangaro et agbalot onkupas. Kaiba ed matoor ya panangaro so aralem tan manbayag ya relasyon. Impanengneng itan nen Jehova ed saray totoo tod Israel diad dakel ya paraan. Imbulos to ra ed impakaaripen dad Ehipto tan inawit to rad Insipan a Dalin. (Sal 105:42-44) Inliktar to ray totoo to tan aminpigapiga to iran pinerdona ed saray agawaan dan kasalanan. (Sal 107:19, 20) Legan tayon ‘nononoten a maong so matoor a panangaron impatnag nen Jehova,’ napakiwas itayon aligen si Jehova.—Sal 107:43.
BANTAYAN SO VIDEO NA DRAMATIZATION YA ‘NONOT YON MAONG IRAY MATOOR A PANANGARON IPAPATNAG NEN JEHOVA,’ INSAN EBATAN IRAYAN TEPET:
-
Diad anto ran paraan tayo nipanengneng so matoor ya panangaro?
-
Akin et kaukolan tayoy mansakripisyo pian nipanengneng so matoor ya panangaro?
