Wala ray Israelita ya angasawa na bibiin mandadayew ed saray idolo (Esd 9:1, 2; w06 1/15 20 ¶1)

Imbaliwala da so malinew ya ganggan nen Jehova (Esd 9:10-12)

Lapud ag-ira inmunor, ansakisakit so resulta na satan ed sikara tan ed pamilya da (Esd 10:10, 11, 44)

Parad pankaabigan tayo so amin ya ganggan nen Jehova. (w09 10/1 10 ¶6) No maunor tayo, naiwasan tayo ray dakel ya pakadismayaan natan tan naawat tayo ray dakdakel a bendisyon diad arapen.

TEPETAY SARILIM, ‘Anto ran problema so apaliisan ko lapud inunor koy Jehova?’