KAYAMANAN ED SALITA NA DIOS | SALMO 34-37
Manmatalek Kad si Jehova tan Manggawa Kay Maong
“Agmo iibegan iramay manggagaway makapuy”
-
Agmo aabuloyan ya nabalang so imanom ed panaglingkor ed si Jehova lapud temporaryon iyaasenso na saray manggagaway makapuy. Manpokus ed saray espiritual a bendisyon tan kalat
“Manmatalek kad si Jehova tan manggawa kay maong”
-
Manmatalek kan tulongan ka nen Jehova no manduaruwa ka odino napapagaan ka. Tulongan to kan mansiansian matoor
-
Naynay ya mibiang ed pangipulong na maong a balita na Panarian na Dios
“Manliket kan maong ed si Jehova”
-
Mangiyeskedyul na panaon na pambasay Salita na Dios tan dalepdepen itan pian mas nakabat moy Jehova
“Ipiam ed si Jehova so dalan mo”
-
Sigpot ya manmatalek ya tulongan ka nen Jehova ed amin ya problemam
-
Pansiansiaen moy maabig iran ugali anggano wala ray isusumpa, panamasegsegang, odino panagpauges
“Mandeen ka labat ed arapan nen Jehova tan mananos kan manalagar ed sikato”
-
Agbastabasta manggagawa na saray bengatlan nayarin mangekal ed liket mo tan maneral ed relasyon mod si Jehova
“Saray mauyamo et tawiren day dalin”
-
Anapen so kauyamoan, tan mapaabeban manalagar ed si Jehova ya ekalen toy amin ya ag-inkahustisya ya naeeksperiensyam
-
Tulongan iray agagi, tan ligliwaen iray nagogonigon panamegley na balon mundo ya insipan na Dios ya asingsingger lan onsabi
Say Mesianikon Panarian et mangiter na makapakelkelaw iran bendisyon
