Diad kongregasyon tayo, wala ray agagi ya pigay taon lan manlilingkor ed si Jehova. Makaaral tayo ed mabiskeg ya panagmatalek dad si Jehova. Sarag tayo ran tepetan nipaakar ed history na organisasyon nen Jehova tan no anto ran subok so dinalan da tan no panon iran tinulongan nen Jehova pian nasarag iratan. Sarag tayo met ya imbitaan so sakey ed sarayan inad-aro tayon agagi diad Panagdayew na Pamilya tayo pian istoryaen da iray eksperiensya ra.

No abayag ka lan manlilingkor ed si Jehova, maabig no istoryaen mod saray kabataan ya Kristiano iray eksperiensyam. Singa si Jacob tan Jose, inistorya dad saray ananak da no panon iran tinulongan nen Jehova. (Ge 48:21, 22; 50:24, 25) Insan ingganggan nen Jehova iray ulo na pamilya ya ibangat dad ananak da iray makapadinayew ya ginawa to. (De 4:9, 10; Sal 78:4-7) Diad panaon tayo, saray atateng tan arum ya agagi ed kongregasyon et sarag dan istoryaen ed saray kabataan iray balibalin ginawa nen Jehova panamegley na organisasyon to.

BANTAYAN SO VIDEO YA PANSIANSIAEN SO PANKAKASAKEY NO IMBAWAL SO KIMEY TAYO, INSAN EBATAN IRAYA:

• Panon ya tinulongan na Austria branch iray agagi ed arum a bansan bawal so kimey tayo?

• Antoy ginawa na saray agagi ed saratan ya bansa pian mansiansian mabiskeg so pananisia ra?

• Akin et sinmian ed organisasyon nen Jehova so dakel ya agagi ed Romania, tan panon iran pinmawil ed organisasyon?

• Panon ya apabiskeg na sarayan eksperiensya so pananisiam?