Diad gapo et nan-alangan si Moises no kasin nagawaan toy kimey ya inter ed sikato nen Jehova. (Ex 4:10, 13) Kasin aliknam la itan? Kasin manaaral kay Biblia ed saray Tasi nen Jehova? Kasin iisipen mo no nasarag moy manpulong diad kaabungan? Odino sakey kan kabataan tan nababaingan kan manpulong diad eskuelaan yo. Odino ompan natatakot kan mibiang ed telephone witnessing odino arum ya paraan na panagpulong ed publiko. Kerew mod si Jehova ya pabiskegen to ka panamegley na masanton espiritu to. (1Pe 4:11) Manmatalek ka ya sarag to kan tulongan ed antokaman ya kimey ya iter tod sika.​—Ex 4:11, 12.

BANTAYAN SO VIDEO YA MANPAKPEL KAYO, SIKAYO RAN . . . MANANGIPALAPAG, INSAN EBATAN IRAYA:

• Anton subok so inarap nen Sister Aoyama?

• Antoy akatulong ed sikato pian magmaliw ya mabiskeg tan makpel?—Jer 20:7-9

• Antoy maabig ya resulta nen pinalaknab toy panaglingkor tod si Jehova?

• Anto ran subok ed ministeryo so nasarag mon arapen diad tulong nen Jehova?