Say brosyur ya Siopa Ray Manggagawa na Linawa nen Jehova Natan? et denesinyo pian iyaral ed estudyante na Biblia diad gapo odino sampot na panagaral. * Say gagala na leksion 1 anggad 4 et pian magmaliw ya pamilyar iray iyaaralan tayo ed sikatayo ran Tasi, say leksion 5 anggad 14 et ontulong pian naamtaan da so nipaakar ed saray kimey tayo, tan ipapanengneng na leksion 15 anggad 28 no panon ya onkukurang so organisasyon tayo. Mas marakep no aralen iray leksion unong ed impantutumbokan na saratan, balet sarag yon unaen so leksion ya kaukolan ya pantongtongan a tampol. Sakey pahina labat so kada leksion tan nayarin pantongtongan iya ed loob na limara anggad samploran minuto.

• Mantepet ya usaren so title na leksion

• Basaen ya diretso so leksion odino basaen so kada seksion

• Pantongtongan so binasa yo. Usaren iray tepet ed leksab na pahina tan saray litrato. Basaen tan pantongtongan iray nisitan teksto ya matukoy. Idanet no panon ya ebatan na saray mabakat ya subheading so title

• No walay kahon ya “Salim Iyan Gawaen,” basaen itan tan pasesegen so iyaaralan ya gawaen so suhestion