NO AKIN YA IMPORTANTE: No manparaan iray iyaaralan na Biblia, mas natalosan tan natandaan da iray ibabangat tayod sikara. Diad ontan et mas maples so iyaligwas da. Anggano abautismoan la ra, kaukolan da nin siansiay manparaan parad saray aral tan parad ministeryo pian ‘mantultuloy iran akabantay.’ (Mat 25:13) Kanian no amta da no panon so manaral tan walaan iray maabig ya rotina ed panagaral, nagunggonaan ira diad interon bilay da. Diad gapo ni labat, nepeg lan tulongan iray iyaaralan ya iyugali so manparaan parad panaral yo na Biblia.

NO PANON IYAN NAGAWAAN:

• Magmaliw ya maong ya alimbawa. (Rom 2:21) Manparaan parad panaral yo ya sankanonot moy iyaaralan mo. (km 11/15 3) Ipanengneng mod sikato so amarkaan ya publikasyon mo

• Paseseg mon manparaan. No regular lay panaaral yo, ibagam ed sikato ya say pamparaan et kabiangay programa na panagaral na Biblia, tan ipaliwawa no akin ya makatulong itan. Mangiter na praktikal iran suhestion no panon ton niyeskedyul so pamparaan. Wala ray publisher ya ipausar da nid iyaaralan da so amarkaan ya publikasyon da legan iran manaaral pian nanengneng to no panon ya makatulong so pamparaan. Komendaan so iyaaralan no namparaan

• Ipanengneng ed sikato no panon so manparaan. Wala ray publisher ya diad gapo ni labat et uusaren day interon sesyon na panaral pian ipanengneng ed iyaaralan da no panon ya iparaan so sakey a leksion