25:1-12

Say parabolo nen Jesus nipaakar ed samploran mamarikit et parad saray alanaan ya papatumbok to, pero makaaral met ed satan so amin ya Kristiano. (w15 3/15 12-16) “Mantultuloy kayo sirin a manbantay, lapud agyo amta so agew odino say oras.” (Mat 25:13) Kasin nipaliwawam so parabolo nen Jesus?

• Nobyo (ber. 1)​—Jesus

• Saray makabat tan akaparaan ya mamarikit (ber. 2)​—Saray alanaan ya Kristiano ya akaparaan tan matoor ya manusumpal ed asainmin da tan onsisinag ya singa silew anggad anggaan (Fil 2:15)

• Say eyag: “Wadia lay nobyo!” (ber. 6)​—Paneknek na kiwawala nen Jesus

• Saray makulangkulang ya mamarikit (ber. 8)​—Saray alanaan ya Kristiano ya pinmaway pian abeten so Nobyo balet ta ag-ira nantultuloy ya akabantay tan ag-ira nansiansian matoor

• Saray makabat ya mamarikit et agda labay ya ikdan na larak iramay makulangkulang (ber. 9)​—Kayarin awaten na saray matoor ya alanaan so permanentin tatak da, agda la natulongan so siopaman ya ag-akapanmatoor

• “Sinmabi so nobyo” (ber. 10)​—Onsabi si Jesus pian mangukom diad bandad sampot na baleg a kairapan

• Saray makabat ya mamarikit et linmoob ed pambansalan kaibay nobyo, tan inkapot lay puerta (ber. 10)​—Tiponen nen Jesus ed tawen iray matoor ya alanaan, balet saray agmatoor et agda naawat so tumang da ed tawen