NO AKIN YA IMPORTANTE: Maslak ed saray bulag et ag-ira komportablen mitongtong ed saray agda kabat. Kanian kaukolan so dunong pian napulongan ira. Imamalasakit tan inaro nen Jehova iray bulag. (Le 19:14) Naalig tayoy alimbawa to no mabulos tayon tulongan ed espiritual iray bulag.

NO ANTOY GAWAEN:

• “Anap yo” iray bulag. (Mat 10:11) Walay kabat mon bulag? Kasin diad teritorya yo et wala ray eskuelaan, nursing home, odino arum nin pasilidad ya labay da ray publikasyon a parad saray bulag?

• Ipalikna so personal ya interes. No makaaro ka tan ipaliknam so personal ya interes ed sakey ya bulag, sikatoy magmaliw ya komportable ed sika. Igapoy tongtongan ed sakey ya topic ya makapainteres ed lugar yo

• Tulongan irad espiritual. Pian natulongan iray bulag odino saray walay deperensyad mata, mangitatarya so organisasyon tayo na saray literatura diad nanduruman format. Tepetan so indibidual no dinan ed saratan so labay ton aralen. Kaukolan ya seguroen na manangasikaso na serbisyo ya ni-request na literature servant so format na literatura ya labay na samay bulag