Makaaral iray Kristiano natan ed samay agawa ed Israel diad patar na Moab. (1Co 10:6, 8, 11) Naimpluensyaan iray Israelita ya manggaway ambelat ya kasalanan nen akikaaro irad saray bibiin tagad Moab ya imoral tan mandadayew ed idolo. Makapaermen so resulta na satan. (Nu 25:9) Apaliberan itayo met natan na saray katrabaho, kaeskuela, kakaabay, kakanayon, tan arum nin totoo ya agmandadayew ed si Jehova. Antoy naaralan tayo ed satan ya salaysay ed Biblia nipaakar ed saray peligro no mikaaro tayo ed ontan iran totoo?

BANTAYAN SO VIDEO YA PANMADMARAN IRAN AGAWA PARAD PANAON TAYO—EXCERPT, INSAN EBATAN IRAYAN TEPET:

• Antoy aliwan inisip nen Zimri tan saray kakaiba to ya imbaga da ed si Jamin?

• Panon ya tinulongan nen Finehas si Jamin pian nawalaan na dugan panagnonot?

• Antoy pandumaan na pagmaliw ya makaaro ed sakey ya agmananisia tan pagmaliw ya kaaro to?

• Akin et kaukolan tayon pilien ya maong no siopa ray maapit ya pikaaroan tayo anggan diad loob na kongregasyon?

• Akin et nepeg tayon paliisan iray group chat diad saray social media ya agtayo kabat iray membro ed satan?