Labay nen Jehova, say “maliket a Dios” ya manliket tayod ministeryo tayo. (1Ti 1:11) No paaligwasen tayoy abilidad tayod ministeryo, mas manliket tayo. No mantepet tayo, naala tayoy interes na totoo tan atan so natural ya pangigapo na tongtongan. Makatulong so pantepet pian mannonot tan mankatunongan so katongtong tayo. (Mat 22:41-45) No mantetepet tayo insan tayo ondengel, singa tayo ibabagad katongtong tayo ya, ‘Importante kad siak.’ (San 1:19) Makatulong so ebat na katongtong tayo pian naamtaan tayo no antoy onsublay ya ibaga tayo.

BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—PAALIGWASEN SO DUNONG MO—MANTEPET, INSAN EBATAN IRAYAN TEPET:

• Anto ran maabig ya kualidad so impanengneng nen Jade?

• Panon ya impanengneng nen Neeta so interes to ed si Jade diad impangusar to na saray tepet?

• Anto ray intepet nen Neeta pian magmaliw ya interesado si Jade?

• Panon so impantepet nen Neeta pian natulongan toy Jade ya mannonot tan mankatunongan?