MAGMALIW YA EPEKTIBO ED MINISTERYO
Suhestion Parad Pitongtong
Pangimbita Diad Memoryal (Pebrero 27–Marso 27)
“Wadia kami [odino tinmawag ak, odino sinmulat ak] ta labay mi kayon imbitaan ed sakey ya espisyal ya okasyon ya atendian na minilyon ya totoo, say anibersaryo na impatey nen Jesus.” Ikdan [odino i-text, odino pawitan] na imbitasyon so unabung. “Nanengneng yod sayan imbitasyon so oras tan lugar no iner iya nagawa [odino no panon kayon makaatendi online]. Imbitaan mi kayo met ed sakey ya espisyal a paliwawa ya nagawa sakey simba antis to iya.”
No Angipanengneng na Interes: Ipabantay [odino i-text so link, odino ipawit ed email] so video ya Nodnonoten so Impatey nen Jesus.
Parad Ontumbok: Akin ya inatey si Jesus?