BILAY NA KRISTIANO
No Panon ya Usaren Iray Video Parad Panag-aral na Biblia
Walay apatiran video tayo parad panag-aral na Biblia ya nausar tayod ministeryo. Antoy usar na kada sakey ed saraya?
-
Say Akin ya Aralen so Biblia?—Andukey a Bersion et denesinyo pian natulongan iray totoo ya magmaliw ya interesado ed Biblia antokaman so papanisiaan da. Ipapaseseg na satan ed saray makabantay ya anapen da ed Biblia iray ebat ed saray importantin tepet ed bilay tan walay sample ditan na makatunongan ya ebat manlapud Biblia. Nabantayan met ditan no panon so man-request na panag-aral na Biblia.
-
Say Akin ya Aralen so Biblia? (antikey a bersion) et mipara ed andukey a bersion balet ta kakatlo labat so karukey to. Mas epektibo iya ed saray teritoryan busy iray totoo.
-
Say Antoy Gagawaen Sano Manaaral na Biblia? et denisinyo pian magmaliw ya interesado iray totoo ed iyoopresi tayon libren panag-aral na Biblia tan naebatan ditan iray kaslakan ya tepet nipaakar ed satan, kaiba lay no panon so man-request na panag-aral na Biblia.
-
Say Welcome ed Panag-aral na Biblia et denisinyo pian ipabantay ed saray iyaaralan na Biblia. Anggaman abitla so video ed pahina 2 na libron Panliketan so Bilay ya Anggapoy Anggaan! nayari met itan ya ipabantay no aaralen so brosyur ya Panliketan so Bilay ya Anggapoy Anggaan! Naamtaan ed video iray karga na libro tan no anto ray talaranan na iyaaralan legan na panag-aral.
Anggaman walay ginagalan usar na kada video, nayarin ipabantay odino ipawit iratan ed saray totoo no matukoy. Pasesegen iray manangipalapag ya kabisadoen tan usaren da iratan ed ministeryo.
