Abril 1-7
SALMO 23-25
Kansion 4 tan Pikakasi | Introduksion (1 min.)
1. “Si Jehova so Pastol Ko”
(10 min.)
Itotonton tan proprotektaan itayo nen Jehova (Sal 23:1-4; w22.01 3-4 ¶5-6)
Aasikasoen nen Jehova iray lingkor to ya singa pangaasikaso na maaron pastol ed saray karnero to.
TEPETAY SARILIM, ‘Panon ak ya aasikasoen nen Jehova?’
2. Saray Espiritual a Kayamanan
(10 min.)
-
Sal 23:3—Anto ray “basbas na inkatunong,” tan antoy makatulong ed sikatayo pian agtayo makaarawi ed saratan? (w11 2/15 24 ¶1-3)
-
Anto ran espiritual a kayamanan so labay yon inabang manlapud babasaen ed Biblia ed sayan simba?
3. Panagbasa na Biblia
(4 min.) Sal 23:1–24:10 (th leksion 5)
4. Pangigapo na Tongtongan
(3 min.) INFORMAL WITNESSING. Manginabang na makapaseseg ya tekstod Biblia ed katongtong mo ya mapagpaga ed saray nagagawad kalikasan. (lmd leksion 2 punto 5)
5. Panagpawil
(4 min.) PANAGPULONG ED KAABUNGAN. Idemonstra so panangiyaral na Biblia ed sakey ya angawat na brosyur ya Panliketan so Bilay ya Anggapoy Anggaan! (lmd leksion 9 punto 3)
6. Panaggaway Disipulo
(5 min.) lff leksion 14 punto 4 (lmd leksion 11 punto 3)
Kansion 54
7. Agtayo Dedengelen so Boses na Saray Estranghero
(15 min.) Paliwawa ya mankomento iray ondedengel.
Kabisado na saray karnero so boses na managpastol da tan ontutumbok irad sikato. Balet, ibabatikan day estranghero ta agda kabat so boses to. (Jn 10:5) Mipadpara, dedengelen tayo so boses na saray maaro tan napantiwalaan ya Managpastol tayo, si Jehova tan si Jesus. (Sal 23:1; Jn 10:11) Pero agtayo dedengelen so boses na saray estranghero ta labay dan pakapuyen so pananisia tayo panamegley na “palso iran salita.”—2Pe 2:1, 3.
Nabasa ed Genesis kapitulo 3 so unonan pagkakataon ya arengel so boses na estranghero diad dalin. Akitongtong si Satanas ed si Eva panamegley na uleg kanian ag-amta nen Eva no siopan talagay mitotongtong ed sikato. Nankunkunwari si Satanas ya kaaro to, tan pinapaway ton matila so Dios tan walay isisiblet tod sikara. Makapaermen ta dinmengel si Eva, kanian aliwliwa laingen so nansumpalan to tan say pamilya to.
Sasalien met nen Satanas natan ya impluensyaan itayo pian manduda itayo ed si Jehova tan diad organisasyon to. Kanian mangikakayat na saray negatibon report, katilaan, tan aliwan tua iran impormasyon. No narengel tayo so boses na estranghero, ombatik tayon tampol! No dengelen mo anggan magano labat ta curious ka, delikado. Nen kinatongtong nen Satanas si Eva, diba pigaran salita labat so inusar to? (Ge 3:1, 4, 5) Pero panon to no walay toon concern ed sikatayo tan maong met so motibo to ya labay toy mangi-share na negatibon impormasyon tungkol ed organisasyon nen Jehova?
I-play so VIDEO ya Agdedengelen so “Boses na Saray Estranghero.” Insan itepet iya:
Antoy naaralan mo ed ginawa nen Jade nen sinali na agmananisian nanay to ya mangi-share ed sikato na negatibon impormasyon tungkol ed organisasyon nen Jehova?
8. Panag-aral na Kongregasyon ed Biblia
(30 min.) bt kap. 8 ¶1-4, kahon ed p. 61-62
